Apple të krijojë iPhone dhe iPad më të hollë?

Siç dihet tashmë, Apple është në përpjekje të vazhdueshme për t’i bërë produktet e saj më të holla dhe më të lehta, dhe tani duket se kompania ka gjetur një mënyrë të re për të krijuar produkte të tilla, të cilat i tërheqin përdoruesit e tyre. Kjo, pasi që Apple tashmë është duke punuar në krijimin e një baterie të hollë dhe të lakueshme, e cila do të mundësojë krijimin e iPhone dhe iPad më të hollë dhe më të lehtë, raporton Apple Insider. Për inovacionin e saj të ri, Apple ka dorëzuar patentat e saj tek autoritetet përkatëse, dhe sipas dokumentacionit thuhet se bateritë e Apple do të mundësojnë përdorimin më efikas të hapësirës në telefon, tablet apo laptop. Fakti që duhet të përmendet është se një bateri e tillë, e cila mundëson krijimin e pajisjeve të holla dhe të lehta do të jetë edhe një zgjidhje ideale për orën e mençur të Apple, iWatch. / Telegrafi / Video...